4-5 снежня ў Кіеве пачне працаваць арганізацыйны камітэт Кіеўскага гей-прайда і адбудзецца яго першая працоўная сустрэча. Менавіта ў гэты час украінскія ЛГБТ-актывісты пачнуць абмеркаванне развіцця Прайд-руху ў Кіеве. На сустрэчу ўкраінскіх актывістаў і будучых арганізатараў Кіеўскага гей-прайда таксама запрошаны старшыня арганізацыйнага камітэта Мінскага гей-прайда Сяргей Андросенка.
4 снежня ў Кіеве адбудзецца адчынены дыскусійны клуб “Гей-прайд як неабходны элемент развіцця ЛГБТ-супольнасці Украіны”.
Верагодны час правядзення Прайд-фестываля ва ўкраінскай сталіцы - травень-чэрвень 2012 года. Мяркуецца, што мерапрыемства будзе складацца з трох частак: форум палітыкаў, актывістаў і журналістаў, культурная акцыя і публічная акцыя (гей-прайд).
На дадзеным этапе распрацоўваецца і ўзгадняецца з зацікаўленымі бакамі агульная канцэпцыя мерапрыемства.
Калі вы хочаце ўдзельнічаць у рабоце арганізацыйнага камітэта Кіеўскага гей-прайда, паведамце аб гэтым, даслаўшы ліст на адрас karasiichuk@googlemail.com да 20 снежня 2011 года.
Асноўныя мэты мерапрыемствы, якія абмяркоўваюцца на дадзеным этапе:
- Зрабіць ЛГБТ-рух больш бачным для ўкраінскага грамадства наогул і ЛГБТ-супольнасці ў прыватнасці;
- Стварыць пляцоўку для дыялогу палітыкаў, актывістаў і журналістаў;
- Стварыць інфармацыйную нагоду для адвакатавання інтарэсаў ЛГБТ;
- Перамагчы стэрэатыпнае ўяўленне пра ЛГБТ ў грамадстве;
- Мабілізаваць супольнасць вакол мерапрыемства.
gaybelarus.by